Nəsib Quliyev — Tibb elmləri doktoru, professor. K.Fəracova adına Elmi-Tədqiqat Pediatriya İnstitutunun direktoru, 2007-ci ildən Türk Dünyası Pediatriya Birliyinin prezidenti.1994-cü ildən hal-hazıra qədər Səhiyyə Nazirliyi K.Fəracova adına Elmi-Tədqiqat Pediatriya İnstitutunun direktor vəzifəsində işləyir. Səhiyyə Nazirliyinin Pediatriya üzrə baş mütəxəssisidir. 2000-ci ildən əməkdar elm xadimidir. 2007-ci ildə Türk Dünyası Pediatriya Birliyinin prezidenti seçilib. Nəsib Quliyev 150-dən artıq elmi əsərin müəllifidir. Onun rəhbərliyi ilə 5 nəfər elmlər namizədi və 1 nəfər elmlər doktoru müdafiə etmişdir.
Səhiyyə Nazirliyinin baş neonatoloqu Rüstəm Hüseynov, 27 ildən artıqdır ki reanimatoloq-neonatoloq kimi fəaliyyət göstərir. Hüseynov Rüstəm Hüseynəli oğlu 1984-cü ildə N.Nərimanov adına Azərbaycan dövlət Tibb Universitetini bitirmişdir. Hal hazırda Elmi Tədqiqat Mamalıq və Ginekologiya İnstitunun yenidoğulmuşların reanimasiyası və intensiv terapiyası şöbəsinin müdiri vəzifəsində çalışır.
Pr. Dr. Ömer Erdeve tibb təhsilinə Hacettepe Universitetində başlamış, sonrakı illərdə Ankara Universitetində həm təhsilinə həm də peşə fəaliyyətinə davam etmişdir. 10-dan çox mükafat və 180-dən çox elmi əsərlərin müəllifidir.
Dr. Scott Osborn Guthrie, təhsilini Amerika Birləşmiş Ştatlarının nüfuzlu universitetlərində sayılan Vanderbilt Universitetində almışdır. Peşə fəaliyyəti müddətində müxtəlif ölkələrdə neonatoloq kimi çalışmışdır. 15 ildən çox Latın Amerikası ölkələrində tibbi missiyanı yerinə yetirmişdir.
